By | June 25, 2018


የኦሮሞ የነፃነት ትግል ከየት ተነስቶ ወዴት እየሄደ ነው?
– ትላንት የነበሩት፣ ዛሬ ያሉትና ወደፊት የሚኖሩት ፈተናዎች –

ብርሃኑ ሁንዴ, Waxabajjii 25, 2018

ክፍል ሃያ ሶስት

ትግል Oromo

In this picture Abiy Ahmed was listening to Qeerro conversations on telephone in 2016. Names of Qeerroo captured, then, got submitted to Getachew Assefa, head of National Intelligence and Security Services (NISS), to hunt down the individuals for torture and imprisonment. Abiy established the cyber security agency called Information Network Security Agency (INSA) in 2013. The job of INSA was to tap phones, internet communications, blocking individual phone lines/groups, satellite TVs and more. He led the agency, since then, and the agency was one of the most important instrument for torture and imprisonment.

ዛሬ ማንሳት ወደፈለኩት ጉዳይ ከመግባቴ በፊት፣ በትላንትናው ዕለት (23/06/2018) በፊንፊኔ የተደረገውን ሕዝባዊ ሰላማዊ ሰልፍ እና በጠ/ሚኒስተር ዶ/ር አብይ አህመድ ላይ የተደረገውን የግድያ ሙከራን በሚመለክት ኣንድ ነገር ማለት እፈለጋለሁ። ዶ/ር አብይ የፈለገውን አመለካከት ይኑረው፣ የፈለገውንም ፖለቲካ ያከሂድ፣ ግን እንደ ኣንድ የኦሮሞ ልጅ በሱ ላይ የሚደርሰውን ጉዳት የሚፈልግ ኦሮሞ ያለ አይመስለኝም። በመሆኑም እኔም እንደ ኣንድ የኦሮሞ ልጅና ወንድሙ ይህንን የግድያ ጉዳይ ስሰማ እጅግ ደንግጬ ነበር። ይሁን እንጂ የዜጎች መሞትና መጎዳት አሳዛኝ ቢሆንም፣ ዶ/ር አብይ ደህና መሆኑን ስሰማ በጣም ደስ ኣለኝ። በጠ/ሚኒስትሩ ላይ የግድያ ሙከራ ያደርጉት ግለሰቦች ወይም ኃይሎች የሁላችንም ጠላቶች በመሆናቸው፣ የኦሮሞ ሕዝብ ልጆቹንና ጉዳዩን ከጥቃት ለመከላከል ባንድነት መቆም ኣለበት።

ሰላም፣ ፍቅር፣ ኣንድነትና ይቅርታ ቦታ የሚኖራቸው የሕዝቦች ጥያቄ መልስ ሲያገኙ ብቻ ነው

ይህን ጉዳይ በሚመለክት ኣንድ አጭር ፅሁፍ Face Book ላይ ኣቅርቤ ነበር። ኣንዳንድ ሰዎች ግን ይህንን መልዕክቴን በትክክል ሳይገነዘቡ ትላንት በፊንፊኔ ከተደረገው ጋር ኣያይዘው በስህተት ሌላ ትርጉም የሰጡ ይመስለኛል። ስለዚህ ያን መልዕክቴን ወይም ሀሳቤን በዚህኛው ፅሁፍ ውስጥ ግልፅ ለማድረግ እሞክራለሁ። ቁጥሩ ይህን ያህል የሚደርስ ሕዝብ ወጥተው አብረው በመቆም ሰላማዊ ሰልፍ ማድረግ በዚህች አገር ታሪክ የመጀመሪያ በመሆኑ፣ በዚህ መንገድ ከታየ ሰላም፣ ፍቅር፣ አንድነትና ይቅርታ የሚለው ተቀባይነት ሊያገኝ የሚችል እውነታ ነው። የዚያ የፅሁፌ መልዕክትና ዓላማ ይህንን እውነታ ለመቃረን ሳይሆን፣ የሁሉም ሕዝቦች በተለይም ደግሞ የኦሮሞ ሕዝብ ጥያቄ መልስ እስካላገኘ ድረስ ሰላም፣ ፍቅር፣ አንድነትና ይቅርታ ቦታ ሊያገኙ አይችሉም ለማለት ነው። ይህ ደግሞ አጠቃላይ እውነታ ነው።

ቀደም ብዬ ከላይ እንደጠቀስኩት ዶ/ር አብይም ሆነ ኦቦ ለማ መገርሳ የፈለጉትን የፖለቲካ አመለካከት መያዝ እንደዚሁም ደግሞ ለዚህች ኢትዮጵያ ለሚትባል አገር ልዩ ፍቅር ማሳየት መብታቸው ነው። ለዚህች አገር አንድነት ለት ተቀን መንከራተትም እንደዚሁ የነሱ መብትና ምርጫቸው ነው። በመሆኑም ሰላም፣ ፍቅር፣ ኣንድነትና ይቅርታን ማስተጋባት  ፍላጎታቸውና ምኞታቸውም ጭምር መሆኑ አንዳለ ሆኖ ነገር ግን እነሱም መገንዘብ ያለባቸው ትልቁ ነገር የኦሮሞ ጥያቄ መልስ እስከሚያገኝ ድረስ ይህ ፍላጎታቸውና ምኞታቸው የሚሳካ አይመስለኝም።  ማንም መረዳት ያለበት እውነታም የሕዝብ ጥያቄ መልስ ኣግኝቶ፣ ሕዝቡ በዚህ ስረካ ብቻ ነው ሰላም፣ ፍቅርና ኣንድነት መኖር የሚችሉት።

ኦቦ ለማም ሆን ዶ/ር አብይ ሁለቱም በጣም ጠንካራ መሪዎችና አገርን ማረጋጋት የሚችሉ መሆናቸው እየታየ ያለ ነው። በዚህ መንገድ ከታየ ዶ/ር አብይ ባለፉት ሶስት ወራቶች ውስጥ ሲስራ የቆየው መደነቅ ያለበት ነው። እንደ ኣንድ የኦሮሞ ልጅ ልንኮራበት ይገባል ቢባል ሀሰት የሚሆን አይመስለኝም። ባዕድና ጠላት ኦሮሞን ስንቁ እንደቆዩት ሳይሆን ኦሮሞም ይህችን አገር ማረጋጋትና ማስተዳደር እንደሚችል ማረጋጋጥ በመቻላቸው በእውነት ኦሮሞ በዚህ መኩራት ኣለበት። ይሁን እንጂ እነዚህ ሁለቱ መሪዎች ወደ ፊት ምን ሊሰሩ እንደሆነና በተለይ ደግሞ የኦሮሞን ጥያቄ መመለስ መቻላቸውን ገና የምናየው ጉዳይ ይሆናል።

ይህ እንዳለ ሆኖ፣ አኔ በግሌ የነዚህ የሁለቱም መሪዎች አካሄድ አላጠገበኝም። አላረካኝም። የመርከት ጉዳይ ብቻ ሳይሆን ከዚህም ኣልፎ እያሳሰበኝም ነው። ምን ማለቴ ነው? እነዚህ ሁለቱ  መሪዎች (ዶ/ር አብይና ኦቦ ለማ) በእውነትና በግልፅ የኢትዮጵያዊነት ሱስ ስላለባቸው፣ በዚህ አካሄዳቸው ከቀጠሉ የረጅም ጊዜ ሂደት ውስጥ የኦሮሞ ብሔርተኝነት (Oromo Nationalism) በኢትዮጵያ ብሔርተኝነት (Ethiopian Nationalism) ሊዋጥ ስለሚችል፣ ኣንድ ኦሮሞነትን (Oromummaa)ን የሚያንፀባርቅ ነገር (Oromo Value)  እየተረሳ እንዲሄድ ዕድል ይፈጥራል ብዬ ኣስባለሁ። የኦሮሞን ማንነት የሚያንፀባርቁ ጉዳዮች እየተረሱ መሄድ ደግሞ ችግርና አደጋ ሊያመጣብን ይችላል የምል እምነት ኣለኝ። ይህ ነው የሚያሳስበኝ።

የኦሮሞ ጉዳይ በይቅርታ ሊታለፍ ይችላል?

ኦሮሞ ሆኖ የዚህ ሕዝብ ችግር የሚሰማውና ጤነኛ አእምሮ ያለው ለዚህ ጥያቄ አይችልም  የሚል አጭር መልስ እንደሚሰጥ ተስፋ ኣደርጋለሁ። ይሁን እንጂ የዚህ ጥያቄ መልስ በዚህ አጭር መልስ ብቻ የሚታለፍ ባለመሆኑ፣ እስቲ ትንሽ ሰፋ ኣድርጌ ለማብራራት እሞክራለሁ። ባጠቃላዩ  ከታየ በይቅርታ ሊታለፍ የሚችል ጉዳይ ኣለ። ይህ የተፈጥሮ ህግ ነው። ነገር ግን በኦሮሞ ሕዝብ ታሪክ ውስጥ እና በነፃነት ትግሉ ውስጥ የተደረጉትን ወይም የተፈጠሩትን ብናይ፣ በይቅርታ ሊታለፉ ከሚችሉት ነገሮች ይቅርታ የማይደረግላቸው ጉዳዮች ይበዛሉ። እዚህ ላይ አንባቢዎች እንዲገነዘቡት የምፈልገው እንዲህ ስል ቂም ተይዞ ሰላምና ፍቅር ይደፍርስ እያልኩ አይደለም ያለሁት። የረጅም ጊዜ ድርጊቶችን  ትተን ከቅርብ ጊዜ ወዲህ የተደረጉትን ብናስታውስና እንደ ምሳሌ ብንጠቅስ፥ ይቅርታ የማይደረግላቸው ጉዳዮች ብዙ ናቸው። ባጠቃላይ ማለት የፈለኩት ለነዚህ ለተፈጠሩት ጥፋቶች ሁሉ ተጠያቂ የሚሆን አካል ለህግ መቅረብ እንዳለበት ለማሳያት ነው።

እስቲ ሌላ ይቅርና፥ በእሬቻ በዓል ላይ የሆነውን፤ በአምቦ፣ ጨለንቆና ሞያሌ የተደርጉትን፤ ከሱማሌ ክልል የተፈናቀሉና ዛሬም ለተለያዩ ችግሮች ተጋልጠው ያሉት ቁጥራቸው ወደ ሚሊየን የሚጠጋ የኦሮሞ ሕዝብ፤ ካአንድ ቤተ ሰብ ውስጥ ሶስት ልጅ የቀበረ፤ በተገደለው ልጁ እሬሳ ላይ ቁጭ ብላ ስታለቅስ በነበረችው እናት ላይ የደረሰ ስቃይና ድብደባ  ወዘተ የመሳሰሉትን ስናስታውስ፣ እነዚህ ሁሉ በቀላሉ በይቅርታ ብቻ የሚታለፉ ናቸው? ይህን ሁሉ ጥፋት የፈፀመው አካል ምንም ሳይጠየቅበት ይቀራል ማለት ነው? እንዲህ ከሆነ ደግሞ ምን አይነት የጋራ አገር ሊገነባ ነው ታዲያ? ምን አይነት ሕግና ደንብ ሊቋቋም ነው? ይህ ቁስል ሳይድን እንዴት ስለ ኣንድነት ይታሰባል? ኣንዱ እያለቀስ ሌላው ሲስቅ ፍትህ ነው? እንግዲህ ስለ ይቅርታ ጉዳይ በዚህ መንገድ አይቼ ነው እንጂ ይቅርታ ማድረግ እግዚአብሔርም የሚወደው ጉዳይ ነው እኮ!!

በስተመጨረሻ፣ ከስር ሊሰመርበት የሚገባ ጉዳይ፣ የኦሮሞ ጥያቄ መልስ እስካለገኘ ድረስ እና ሕዝባችን በዚህ መልስ እስካልረካ ወይም እስካልተደሰተ ድረስ፣ ሰላም፣ ፍቅር፣ መረጋጋትና ኣንድነት የሚረጋገጥ አይመስለኝም። በመሆኑም ኦቦ ለማና ዶ/ር አብይ እንደዚሁም “ቲም ለማ – Team Lemma” ተብሎ የሚጠራው የለውጥ ፈለጊ ኃይሎች ሁሉ ይህንን እውነታ ተረድተው፣ በዚህ ጉዳይ ላይ መስራት ፍላጎት በቻ ሳይሆን ግዴታም ይሆናል። የሰፊው የኦሮሞ ሕዝብ ፍላጎት በምንም መተካት እንደማይችል ለሁሉም ግልፅ መሆን ኣለበት። የኦሮሞ ሕዝብ ፍላጎት ቅድሚያ (priorityማግኘት የግድ ይሆናል።

በሌላ ጉዳይ ተመልሰን እስከምንገናኝ ደህና ሁኑ።

 

One thought on “የኦሮሞ የነፃነት ትግል ከየት ተነስቶ ወዴት እየሄደ ነው? ክፍል ሃያ ሶስት

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.