Ajjeechaa Joorj Filooyid: ‘Oromoo ta’uun jijjiirama hin qabu, poolisiif gurraachi gurraachuma’

Oromoo
Jiraattuu magaalaa St. Paul taate Aadde Amiiraa Bashir

(BBC Afaan Oromoo) — Gurraachi lammii Ameerikaa Joorj Filooyid harka poolisii adii torban darbe erga du’e booda bakkeewwan hedduu biyya Ameerikaatti mormiifi jeequmsi mudateera.

Mormiin duraa naga qabeessa ta’us boodarra bifa jijjiirratee jeequmsatti jijjiirameera.

Saamichi akkasumas qabeenyi barbadaa’eera. Pirezidantiin biyyattii Donaald Tiraamp yoo bulchinsoonni to’achuu dhaban waraana akka bobbaasan himaniiru.

Dhalattoonni Oromoo maal taajjaban?

Magaalaa dura Joorj Filooyid itti du’eefi mormiin itti ka’e Miniyaapoolis kan jiraattu Faaxumaa Badhaasoo ”yeroon kuni sodaachisaadha” jechuun ibsiti.

Wanti Joorj Filooyid qunname ishees qunnamuu akka danda’u ibsiti.

”Akka Oromoo tokkootti poolisiin akkuma Joorj Filooyid ilaalutti na ilaala. Isaaniif gurraachi gurraachuma. Asitti sanyiin garaagartee hin fidu.”

Oromoo, Somaalii, Eertiraa osoo hin jedhin hunduu hiriira mormii keessa hirmaachuu kan himtu Faaxumaan, hammeenyi poolisii hunda keenyaaf tokkuma ”hundi keenya gurraacha waan taanef” jechuun himti.

‘Nu saamani’

Dhalattoota Oromoo Ameerikaa irraa dubbisne keessaa inni biraa Duulaa Abdiisaa saamamuu isaa hima.

”Saamicha guddaatu jira. Namoonni saamichaaf bahan jiru. Namoonni maqaa gurraachaa balleessuuf kan gadi bahan jiru.”

Humni nagaa kabachiisu lakkoofsaan dabaluu akka taajjabe kan dubbatu Duulaan, hiriyyaa isaa waliin hojii biznasii dalagu irratti miidhaan dhaqqabuu isaa hima.

”Meeshaankoo hundumtuu miidhameera. Akka kompitaraa, pirintarii, miidhameera. Kan hiriyyaakoo immoo bilbila mobaayilii gatii qaban caccabsanii jalaa fudhataniiru.

Restoraantiin magaalaa Miniyaapolis argamuufi dhalattoota Itoophiyaa ta’e tokkos gubachuun isaas gabaafameera.

Kanneen daandiitti bahan namoonni walqixa ilaalamuu qabu, namni gurraacha waan ta’ef ilaalamuu hin qabu jechuun gaafachaa jiru.

”Guyyaa kaleessaa hawaasni naannawa kana jiraatu hawaasa Oromoo dabalatee bakkeewwan qulqulleessaa oolani.

”Dhaabbatellee jechuu baatu ammaaf tasgabbaa’e jira,” kan jettu immoo Saamiyaa Usmaanidha.

Similar Articles

Comments

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

BBC Afaan Oromoo: ODUU Owwituu, Amajjii 27, 2020

BBC Afaan Oromoo: ODUU Owwituu, Amajjii 27, 2020

OMN: ODUU GALGALAA (GURRAANDHALA 20, 2020)

OMN: ODUU GALGALAA (GURRAANDHALA 20, 2020)

21 million Chinese died of coronavirus – US intelligence officials intercept data

21 million Chinese died of coronavirus – US intelligence officials intercept data By James Alami (Web Archive) -- A new data intercepted by the United States...

Ethnic cleansing continued in Oromia Regional State by Abiy Ahmed

Ethnic cleansing continued in Oromia Regional State by Ethiopian government lead by Dr. Abiy Ahmed, Prime Minister of Ethiopia July 10, 2020 The Right Honourable Justin...

New Book: የተጠለፈ ትግል (The hijacked revolution) in pdf

Book: የተጠለፈ ትግል (The hijacked revolution) in PDF Via Aba Orma, September 3, 2019 የተጠለፈ ትግል (The hijacked revolution) Author: Mudhin Siraj Pages: 152 Language: Amharic Year: July 2019 To...