Tarkaanfiin Shakkamtoota Seeratti Dhiheessuu Jajjabeeffamuu Qaba

(Ibsa ABO Sadaasa 17, 2018)

ABO Mirga Resolutions of the Oromoo Liberation Front National CouncilMootummaan Itoophiyaa kan EPRDFiin hoogganamu aangawoota isaa kanneen waggoota 27 dabran keessatti yakkoota dhiittaa mirga dhala namaa suukanneessoo lammiilee nagaa irratti raaw’achaa turuutti shakkaman keessaa hanga tokko seeratti dhiheessuu jalqabuun isaa oduu gammachiisaa dha. Gaaffiin haqaa gaaffiilee Qabsoon Bilisummaa ummataa of keessatti hammatee gaggeeffamu keessaa isa guddaa tokko waan taheef Addi Bilisummaa Oromoo tarkaanfii Mootummaan Itoophiyaa gama kanaan fudhachuu eegale kan deggeruu fi jajjabeessu tahuu mirkaneessuu feena.

Ajjeechaa, hidhaa, saamicha qabeenyaa, lammiilee dachii handhuuraa isaanii irraa buqqisuu, ukkaamsanii achi-buutee dhabamsiisuu, hiraar mana hidhaatiin qaamaa hir’isuu fi maraachisuu, mirga jireenyaa sarbanii jiruu baqattummaaf saaxiluu… kkf. dhiittaa mirga dhala namaa waggoota 27 dabraniif Itoophiyaa keessatti mootummicha biyya bulchuun gaggeeffameen lubbuun lammiilee kuma dhibbaan lakkaawamu akka baalaatti harca’ee jira. Qabeenyi biyyaa fi ummataa akkaan guddaa tahuu irraa tilmaamuun nama rakkisu aangawoota mootummaatiin saamamee kaanis lolaan barbaadeeffamee jira. Akka kanaanis yeroo ammaa hiyyummaan babal’atee hoji-dhabdummaan dargaggootaas sadarkaa yaaddessaa furmaata hatattamaa barbaadu irra gahee jira.

Ammas kanaan osoo hin dhaabbanne, dhiittaa mirga dhala namaa fi saamicha qabeenyaa gaggeeffame wajjin kan wal madaalu sirnaa fi adeemsi qorannoo fi tarkaanfiin gahaan fudhatamee kanneen yakkoota dalagaman keessatti qooda ol’aanaa fi murteessaa qabaachuutti shakkamanii fi beekaman hundi seera duratti dhihaatanii murtii seeraa isaaniif malu argachuu akka qaban Addi Bilisummaa Oromoo jabeessee gaafata. Adeemsa haqaa kana milkeessuudhaafis tarkaanfii Mootummaan fudhatu kan deggeruu fi jajjabeessu, akkasumas, qooda gama isaas kan bahatu tahuu irra deebi’ee mirkaneessa.

Injifannoo Ummata Oromoof !

Adda Bilisummaa Oormoo
Sadaasa 17, 2018

Similar Articles

Comments

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

OMN: ODUU GALGALAA (GURRAANDHALA 20, 2020)

OMN: ODUU GALGALAA (GURRAANDHALA 20, 2020)

Ethnic cleansing continued in Oromia Regional State by Abiy Ahmed

Ethnic cleansing continued in Oromia Regional State by Ethiopian government lead by Dr. Abiy Ahmed, Prime Minister of Ethiopia July 10, 2020 The Right Honourable Justin...

New Book: የተጠለፈ ትግል (The hijacked revolution) in pdf

Book: የተጠለፈ ትግል (The hijacked revolution) in PDF Via Aba Orma, September 3, 2019 የተጠለፈ ትግል (The hijacked revolution) Author: Mudhin Siraj Pages: 152 Language: Amharic Year: July 2019 To...

BBC Afaan Oromoo: ODUU Owwituu, Amajjii 27, 2020

BBC Afaan Oromoo: ODUU Owwituu, Amajjii 27, 2020

21 million Chinese died of coronavirus – US intelligence officials intercept data

21 million Chinese died of coronavirus – US intelligence officials intercept data By James Alami (Web Archive) -- A new data intercepted by the United States...